મારા માટે રેડ કાર્પેટ છે મસ્તીનો સમય : પ્રિયંકા ચોપડા

પ્રિયંકા ચોપડા કહે છે કે હું જે લોકો સાથે કામ કરું એ લોકોને આ ઇવેન્ટમાં મળવાની મને મજા આવે છે

priyanka

પ્રિયંકા ચોપડાએ ગયા વર્ષે એમી અવૉડ્ર્સમાં હાજરી આપી હતી ત્યારે તે ખૂબ જ ચર્ચા નો વિષય બની હતી અને હવે અમેરિકાના કૅલિફૉર્નિયામાં રવિવારે યોજાયેલા ૭૪મા ગોલ્ડન ગ્લોબ અવૉર્ડ્સમાં હાજરી આપી હોવાથી તે ફરી લાઇમ-લાઇટમાં આવી ગઈ છે. પ્રિયંકાને આવી ઇવેન્ટમાં જવાનું ખૂબ જ પસંદ છે. આ ઇવેન્ટમાં તેણે ઇન્ટરનૅશનલ ડિઝાઇનરનો ગાઉન પહેર્યો હતો અને એ વિશે તે કહે છે, ‘મને રેડ કાર્પેટ પર ખૂબ જ મજા આવે છે, કારણ કે હું જે લોકો સાથે કામ કરું છું તેમને હું આવી ઇવેન્ટમાં મળી શકું છું. મારા માટે આ મસ્તીનો સમય હોય છે. મને લાગે છે કે લોકો જે-તે ઇવેન્ટને અનુરૂપ કપડાં પહેરે છે. મેં ઇન્ડિયન ડિઝાઇનરનાં કપડાં વિદેશમાં પહેયાર઼્ છે. એ જ રીતે ઇન્ટરનૅશનલ ડિઝાઇનરનાં કપડાં ભારતમાં પહેયાર઼્ છે. એનાથી કંઈ નથી થતું. કપડાં ફક્ત કપડાં હોય છે. લોકોએ એ જ પહેરવું જોઈએ જે તેમને પસંદ આવે.’

priyanka1

ગોલ્ડન ગ્લોબ અવૉર્ડ્સની આફટર-પાર્ટીમાં દીપિકા

રવિવારે અમેરિકાના કૅલિફૉર્નિયામાં યોજાયેલા ૭૪મા ગોલ્ડન ગ્લોબ અવૉર્ડ્સમાં પ્રિયંકા ચોપડાએ હાજરી આપી હતી અને આ અવૉર્ડ્સની આફટર-પાર્ટીમાં દીપિકા પાદુકોણ હાજર રહી હતી. દીપિકા હૉલીવુડમાં તેની ફિલ્મ ‘xXx : રિટર્ન ઑફ ઝૅન્ડર કેજ’ને પ્રમોટ કરી રહી છે અને આ ફિલ્મને પ્રમોટ કરવા માટે તે આફટર-પાર્ટીમાં ગઈ હતી. આ પાર્ટીમાં તેણે યલો ડ્રેસ પહેર્યો હતો.

priyanka2

ગોલ્ડન ગ્લોબ અવૉડ્ર્સમાં પ્રિયંકાનો ગોલ્ડન અવતાર

અમેરિકાના કૅલિફૉર્નિયામાં રવિવારે યોજાયેલા ૭૪મા ગોલ્ડન ગ્લોબ અવૉડ્ર્સમાં પ્રિયંકા ચોપડા ઇન્ટરનૅશનલ ડિઝાઇનર રાલ્ફ લૉરેનનો વી-નેકલાઇનવાળો ગોલ્ડન ગાઉન પહેરીને આવી હતી. આ ડ્રેસ સાથે તેણે સિમ્પલ નેકલેસ અને મરૂન લિપસ્ટિકનો સહારો લીધો હતો. આ ઇવેન્ટમાં તે હૉલીવુડની ઍક્ટ્રેસ સોફિયા વરગેરા સાથે મસ્તી કરતી પણ જોવા મળી હતી.